اوه يا التجار لعبتوا ابحسبت الايفون ٤
الغانم
الغانم يبيع الايفون ١٦ ب٢٩٩ و ال٣٢ ب٣٥٩ و لازم تنطر ٣ اسابيع علشان يوصل الكويت مع انك لو تطلبه بنفسك من موقع ابل الخاص ببريطانيا عن طريق شركة اراميكس راح ياخذله نفس المده لكن بسعر اقل بوايد و هو ٢٩٠ لل ٣٢ مع كل تكاليف الشحن يعني الفرق ٦٠ دينار في جيوبهم =(
يوريكا
اما يوريكا فوزير التجاره نايم عنهم لانهم يبيعون الايفون ب٤٩٩ لل٣٢ لانك تستلمه ستلام فوري و توهم حسوا ان اللي قاعدين يسوونه غلط فمو معقول سعر الايفون ٤ يساوي سعر لاب توب الابل =( فاضطروا ينزلون سعر الايفون ال٣٢ الى ٤١٠ يعني سوو فينا خير
اليكتروزان
اما اليكتروزان فعلي الرغم من انهم دايما يكسرون باسعار الغانم و يوريكا الا انهم ترددوا وايد بانهم يبيعون الايفون ٤ بسبب مشكلة السيرفس و الحين اهم متأخرين عن السوق بخطوه لانهم بالفعل بدو يطلبون الايفون ٤
و الحين يا دور محلات شرق
محلات شرق تتراوح اسعار الايفون ٤ ال٣٢ من ٣٦٠ الى ٣٨٠ و التسليم فوري لكن لازم تحرصون ان الكرتونه الخاصة بالايفون تكون انغلفه ابنايلون يعني بالعربي مو مفتوحه لان لو مفتوحه ممكن تلاقي الايفون فيه خدوش ما تلاحظها الا لما توصل البيت =)
نصيحه
اللي يبي يشتري من يوريكا او الغانم او اليكتروزان لا ياخذ مع الايفون كفاله لانها وهميه
اما اللي يبي يشتري من محلات شرق اللي خلقتا ما عندهم كفاله خل يحاول يثمن اجهزته القديمه علشان ينزل من سعر الايفون
No comments:
Post a Comment